ಭಗತ್ ಸಿಂಗ್ ಜನ್ಮದಿನ: ಭಾರತದ ದೇಶಭಕ್ತ ಮಗನಿಗೆ ನಮನ
ಧೀರ ಮತ್ತು ಅಪ್ಪಟ ದೇಶಾಭಿಮಾನಿಯಾಗಿದ್ದ ಭಾರತದ ಈ ಮಹಾನ್ ಮಗನಿಗೆ ನಮಿಸೋಣ. ಕನಿಷ್ಟ ಈ ದಿನವಾದರೂ ಅವರ ತ್ಯಾಗ ಬಲಿದಾನವನ್ನು ನೆನೆಯೋಣ. ಇಂದು ನಮ್ಮ ಮಕ್ಕಳಿಗೆ ಶಾಲೆಯಲ್ಲಿ ಇವರ ಕುರಿತು ಎಷ್ಟು ಹೇಳುತ್ತಿದ್ದಾರೋ ಗೊತ್ತಿಲ್ಲ. ಬನ್ನಿ ಇವರ ಬಗ್ಗೆ ಒಂದಿಷ್ಟು ತಿಳಿಹೇಳೋಣ ಇನ್ನು ಹೆಚ್ಚಿಗೆ ನಾವು ತಿಳಿದುಕೊಳ್ಳೋಣ. ಇವತ್ತು ಕ್ರಮೇಣ ಕೇವಲ ಕ್ರಿಕೆಟರ್ಸ್, ಎಕ್ಟರ್ಸ್, ಪಾಲಿಟಿಸಿಯನ್ಸ್ ಮತ್ತು ಇತರ ಸೆಲೆಬ್ರಿಟಿಗಳೇ ನಮ್ಮ ಮುಂದಿನ ಪೀಳಿಗೆಯ ಆದರ್ಶವಾಗಿ ಬಿಡುವ ಅಪಾಯವೇ ಹೆಚ್ಚಿರುವ ಸಂಧರ್ಭದಲ್ಲಿ ನಿಜವಾಗಿ ಆದರ್ಶವಾಗಬೇಕಿರುವ ದೇಶಾಭಿಮಾನಿಗಳ, ಸ್ವಾತಂತ್ರ್ಯ ಯೋಧರ ಮತ್ತು ಸೈನಿಕರ ಕುರಿತ ಕಥೆಗಳನ್ನು ಹೇಳುವ ಅವಶ್ಯಕತೆಯಿದೆ.
